منتديات البيت العراقي


مسرحيات عراقيه
الرئيسيةاليوميةمكتبة الصورس .و .جبحـثالمجموعاتالتسجيلدخول
آخر المشاركات
goweto_bilobedحصرياً المسرحية العراقية الكوميدية ... الخيط والعصفور ... كاملة.. روابط جديدةالسبت نوفمبر 22, 2014 5:25 pm من طرفfollowerrgoweto_bilobedالسلام عليكم اخوان وين ابداعتكم وسرحياتكم الجميلهالأحد سبتمبر 21, 2014 11:36 pm من طرفhaymangoweto_bilobedالمسرحية العراقية الكوميدية ( فخفخه في امريكا ) بطولة ماجد ياسين (ابو حنج) تم اضافه روابط جديدهالأحد سبتمبر 21, 2014 11:29 pm من طرفhaymangoweto_bilobedكود حالة الطقس فى جميع انحاء العالم كودhtmlالخميس سبتمبر 11, 2014 3:45 pm من طرفybelyougoweto_bilobedكود مقياس الحبالأحد أبريل 13, 2014 8:48 pm من طرفنبيل الدمgoweto_bilobedكود يستطع العضو من خلاله فحص سرعة النتالأحد أبريل 13, 2014 8:39 pm من طرفنبيل الدمgoweto_bilobedالمسرحية العراقية الكوميدية (( ملك زمانه )) بطولة حيدر منعثرالسبت يونيو 08, 2013 4:08 pm من طرفBaSsaM_Ggoweto_bilobedالمسرحية الكوميدية الشعبية ((((( المحطــــــــة ))))) حصرياً على منتديات البيت العراقيالثلاثاء أبريل 02, 2013 7:24 pm من طرفLeon2013goweto_bilobedالمسرحية العراقية الشعبية :: العالم في ليلة :: بطولة الفنانة ملاييــــنالإثنين مارس 25, 2013 11:00 am من طرفسنبلgoweto_bilobedالمسرحية العراقية الشعبية الكوميدية >>>مـــــــقامات ابو ســــــمرة<<<السبت يناير 26, 2013 8:08 am من طرفubxalaagoweto_bilobedحصرياً وقبل اي منتدى المسرحية العراقية جاي وجذب ... بطولة جاسم شرفالسبت يناير 26, 2013 12:53 am من طرفubxalaagoweto_bilobedاكواد css لوضع اطار للتوقيع للنسخة phpbb2(دون الحاجة الى تومبيلات)الثلاثاء يناير 22, 2013 2:07 pm من طرفmokhtar444goweto_bilobedكود توسيط المواضيع والمشاركات --- كود css للنسخة الثانية phpbb2الإثنين يناير 21, 2013 3:28 pm من طرفSeDoogoweto_bilobedجميع حلقات المسلسل الكارتوني عدنان ولينا وبنسخة ديفيدي DVD rip روعةالجمعة يناير 18, 2013 1:37 am من طرفتوفيق محمد احمدgoweto_bilobedكود توسيط جميع مشاركات العضو دون التأثير على باقي اقسام المنتدىالإثنين نوفمبر 05, 2012 9:59 am من طرفابونوره

نكاااااااااااااااااااااااااااااات

استعرض الموضوع السابق استعرض الموضوع التالي اذهب الى الأسفل
كاتب الموضوعرسالة
زيد
مشرف البيت الترفيهي
مشرف البيت الترفيهي

ذكر
عدد المشاركات : 826
المــــــــــزاج :
التقييم : 2
عدد الدنانير : 1411
تاريخ التسجيل : 16/05/2010
الجنســـية : عراقي
بلــد الاقــامة : السويد
رسالة SMS : بلادي وان جارت علية عزيزة .............وقومي وان شحو علية كرام
الأوســــــــمة :
مُساهمةموضوع: نكاااااااااااااااااااااااااااااات الإثنين أغسطس 16, 2010 4:45 pm


ثنين سكارى.واحد منهم عثر گله (بسم الله )الثاني گله اشلون تگول هيچي مو إحنه كفار.گله إي صدگـ استغفر الله
==============
محشش يسولف مع صديقه و جته فكره وگل لصديقه..خل انصير فنانين تشكيليين..انته تشكيلي وآنه اشكيلك
==============
محشش طلبت منه المحكمة أوراق ثبوتية البيت جابلهم صورته ديغسل الكراج
==============
محشش شاف اخته ويا واحد كال اليوم ويا واحد باچر راح تدخن
==============
شيخ جامع محشش وجعه راسه.. أخذ حبايه أسبرين ومالگه ماي.. تيمم
==============
واحد محشش منع زوجته من زيارة اهلها يخاف عليها من افلاونزه الطيور,گلتله: بس اهلي ما عدهم لا بط ولا دجاج ولا طيور, گلها: مو امچ بومة
==============
محششين ثنين قلدوا سيارة النجدة.. واحد يصيح: ويو وييو وييو.. والثاني يصيح: أحمر أزرگـ...أحمر أزرگـ
==============
حشاش عطس ... صاحبه گح.. گلله ليش تغير الموضوع؟
==============
شيخ جامع دخل على جماعه يحششون.. گاللهم: حرام عليكم.. گالوله: وعليكم الحرام ورحمة الله.
==============
محشش بطيارة نايم گال له اللي يمّه :يمعود الطيارة راح تطيح..!! گال: وشنو يعني طيارة الخلفونه؟
==============
حشاش سأل أبو المخضر:عندك فاصوليه خضره؟ گال :لا والله خلصت گال: لعد شظل عندك يالون؟
==============
حشاش ضرب صديقه راشدي، گال له: لك هذا صدگـ لو شقه؟ گله لاصدگـ گال إي حسبالي.. لإن أني ما أتحمل الشقه
==============
محشش دخل محل گال لأبو المحل:عندك جگاير روثمن؟ گله آني هم عندي
==============
محشش يسوق تكسي .. أشّرت له بنيه ..وگف گال : وين تروحين؟ گالت: للشورجه گلها: روحي بس لتتأخرين
==============
محشش كامش الدجاجة ويضرب بيها ويگول: بنت الچلب كل يوم بيض!! ماكو فد يوم جبن؟.. گيمر؟
==============
محشش سأل مرته : عندچـ طماطه وبصل وبتيته ودجاج؟ گالت : اي عندي گلها سويلنه كيك
==============
واحد محشش اتصل على ناس گال : هذا بيت سعد؟ قالوا لا .. .قال لهم : لعد ليش تردون
==============
حشاش گال لبو التكسي: توديني وين؟ وادفعلك شگد؟.. أبو التكسي هم محشش.. گال له أنزل هنا وإدفع شگد ما يعجبك
==============
محشش فتح الثلاجه شاف الجلي يرجف گله: لا تخاف ماآكلك.. جيت اشرب مي بس
==============
محشش خابر الشرطة، گلهم: انباگـ الدشبول والستيرن مال سيارتي.. وره شويه خابرهم گاللهم: العفو شباب سامحوني ... جنت گاعد بالمقعد الخلفي
==============
محشش راد يتعرف على بنية گلها أقدملچ نفسي تلعب

محشش يحچي ويه نفسه : ضفدع بالماعون
تمساح بالبانيو
سلحفات بالسطل
أحسن شيئ اخابر على الدكتور واسأله : دكتور شنو گتلي مرضي ؟ گله سرطان بالحوض
==============
محشش طلعله جني بالليل مجان حافظ شي من القرأن غناله طلع البدر علينا
==============
محشش اشترئ لامه عصفورين واحد بس يغرد والثاني ساكت گلتله ليش ساكت هذا گلها هذا الملحن .
==============
واحد محشش راح لأبو صيدلية گله عندك شريط فلو اوت كله اي، كله حطة خلي نسمعه
==============
محشش اتصل ببوش وكله: احب ان ابلغك انو قررنا اعلان الحرب على امريكا ! رد بوش: ممكن أعرف إنتو منو؟
گله آنته واصدقائي أبوزلف وأبوعبدو وأبولبن وكل الحشاشة بالگهوة، يعني8 رجاجيل تقريبا!! رد بوش بضحكة: بس تعرف انه عندي مليونين جندي تحت امري؟
المحشش: هاي معلومة جديدة تحتاج مشاورات دقيقة مع الشباب، ثاني يوم اتصل المحشش ببوش وگله: بعد مانعلن الحرب على أمريكا، رد عليه بوش باستغراب: وشنو السبب؟ المحشش: الصدگـ غير؟ ماعدنه مكان يوسع مليونين أسير
==============
عشرة محششين ديتشاقون بالرشاشات خمسه ماتو و3 تصوبو بقو ثنين كالو خل نبطل لتصير صدگـ
==============
محشش بالشرطة لازم إرهابي وگاعدله دگـ بالصوندة ويگله: ابن الكلب اعترف, چم مرة مفجر نفسك؟.
==============
واحد حشاش ابوه مات اخذه للمغيسل گله أريدة غسل و كوي
==============
س : ما هو وجه الشبه بين (اللبن) و (الحبانية)؟
ج : نشيل حرف اللام من كلمة ( لبن ) فتصير ( البن )، ومعناها قهوة. واحنا نشرب قهوة بشنو؟؟ بالفنجان. وعبد الحليم الله يرحمة غنى اغنية ( قارئة الفنجان )، وبالعراقي نسمي اللي يقرا فنجان ( فتاح فال )، وقبل كان عدنا حارس مرمى اسمه ( فتاح نصيف )، زين نشيل ( فتاح ) من الجملة، شيبقى عدنا؟؟ كلمة ( نصيف )، واحنا قبل وين كنا نصيف؟؟ (بالحبانية )... اذن (اللبن) = (الحبانية )..
==============
محشش خابر على وزارة الدفاع شالوا التليفون گالوا الدفاع اتفضلوا گلهم انطوني الگولچي
==============
محشش اشتغل بالحرس الوطني انطوه واجب گالوله حظر التجوال يبدي بالعشرة اذا اتشوف واحد بعد العشرة يمشي إرمي عليه . الساعة بالتسعة شاف واحد يمشي رماه وكتله اجو جماعته گالوله هاي اشسويت بعد ساعة على حظر التجوال .گلهم ادري بس هذا بيته بعيد بعد ساعتين ميوصل
==============
محشش يسأل محشش لو ﮔـعدت ولگيت نفسك ميت شتسوي گله والله اتخبل
==============
محشش دائما يشعل جگارتين ويشربهم سوه گله صديقه : ليش؟ گال وحده إليه ووحده ابدال أخويه اللي بالسجن وره فترة يشعل جگارة وحدة .. گال صديقة : مبروك طلع أخوك ..
گله لا آني بطلت أدخن
==============
طالبة حشاشة وصلت متأخرة للدوام .سألتها المدرسة ليش متأخرة گلتلها: ست مو چان ولد ديمشي ورايه گلتلها المدرسة: زين هو يمشي وراچـ إنتي ليش تأخرتي؟ گلتلها ست مو چان يمشي على كيفه
==============
محشش سأل صديقه گله شوفلي عيني حمره؟ گله إي المحشش گله زين شوفه توجعني
==============
محشش مسوي حادث بالتريله كاتل 40 واحد..سأله القاضي:ابني شلون كتلت اربعين واحد انته ما تعرف تسوق جاوبه المحشش :سيدي اني چنت ماشي سريع ودست بريك بس فگس البريك بيدي وچان گدامي شارع رايح يمنه وشارع رايح يسره عاليمنه أكو ثنين شباب وعاليسره أكو سوگـ شسوي آني جاوبه القاضي أكيد رحت عالشباب الإثنين فگال المحشش آني هم رحت عليهم بس شسويلهم انهزمو للسوگـ
==============
محشش واگف بصف حايط ومخلي إذنه على الحايط ويسمع .. إجه من يمه واحد گاله المحشش تعال اسمع تعال اسمع إجه الولد وسمع گاله ماكو شي گال المحشش هو هذا المخبلني
==============
حشاش اشترى موبايل گال لأخوه : اكتب لي رسالة گله ليش گله خطي مو حلو
==============
واحد حشاش اخذ ديچه للسوگـ گالوله: للبيع
گال : لا أريد أنزل عليه نغمات
==============
نكــــــــــــــــات منوعـــــــــة
==============
وحده نازوكية أبوها يشتغل گصاب سألوها أبوچـ شيشتغل؟
گالت يگشر خرفان
==============
عصبي فتح مطعم كتب بيه: اليحب يتفضل يتسمم خلي يجي يتزقنب والمسوي ريجيم يطبه مرض عساه لا أكل والميعجبه يجي خل ياكل قزرقط ببيتهم...وناقص على عرضي إذا معزلته للمطعم وأنعل أبوكم لابو اليفتحلكم مطعم بعد
==============
وحدة گالت لزوجها حبيبي اليوم عيد زواجنه شنو راح نسوي، گلها أول مرة خلي نوگف دقيقتين حداد
==============
هندي تعوذ من الشيطان, طلعله الشيطان سطره راشدي وگله: ما بقه علينه غير بس هالشكولات
==============
فد يوم واحد خابر مرته گلها إحميلي المي .صاحبه گله عمي لو هيچ الزلم لو ما تنراد جاوبة كلة لعد شعبالك قابل اغسل مواعين بمي بارد
==============
واحد لوتي سألوه: امك حيه؟؟ گال لا عگربه گالوله: لأ.. يعني هيه عايشه؟؟ گال: لا خديجه گالوله: قصدنا عدله؟؟ گال: لعد قابل عوجه
==============
قصة أسلام أول هندوسي: مسلم زار هندوسي يباركله بالمولود الجديد.. سأله: ولد؟؟ گال:لا ... گال إذن بنيه... الهندوسي تعجب.... ورأسا أعلن إسلامه
==============
أحول اشتره ديچ طلع الديچ همينه أحول أجه يحطه بالقفص حطه بره.... الديچ على أساس لوتي راد ينهزم طب بالقفص
==============
وحده حلمانه واحد يركض وراهه .. گلتله: ليش تركض ورايه؟ گلها: آنه شعليه؟ هوه آنه الحلمان لو إنتي
==============
واحد شاف اعمى لازم جريدة گال أول مرة أشوف أعمى يقره گله الأعمى: ومنو گلك أعرف أقره؟؟؟.. آنه جاي أتباوع عالصور بس
==============
اعمى گام يشوف صار بيه شلل من الفرحه
==============
فد واحد ديضرب نفسه أبرة تأذى گام يصيح آخ آخ على كيفي على كيفي
==============
الاستاذ يسأل ولد زغير
بالمدرسة: من هو الحيوان الذي يوقظنا كل يوم لصلاة الفجر؟ رد الولد: أبوي يا أستاذ.
==============
بنات حشاشات صعدن بالتاتا وگعدن وره السايق
وحدة گالت لصديقتها إكلي بصل وانسي اللي حصل
الخ گالتلها إكلي ثوم وانسي الهموم
السايق اندار عليهم كلهم
إكلن خرة وارجعن ليوره
==============
بعد خسارة السعودية مع العراق تغير العلم السعودي من (لا اله الا الله) الى
(إنا لله وإنا إليه راجعون)
==============
واحد متدين أمة سألته شلون تريدها العروستك ؟ گلها أريدها والعياذ بالله والعياذ بالله تشبه اليسا
==============
حشاش يحچي ويّه روحه:مدري مواعد وحده الساعة ثنين؟ مدري مواعد ثنين الساعة وحده؟
==============
حشاش مثقف گال لصاحبه:قل لي ماذا تقرأ..أقل لك من أنت...فگال صاحبه: ماذا تقرأ؟..فرد عليه الأول: من أنت؟
==============
هايشة وگفت گدام المراية وگالت:والله حرام كل هذا الجمال وياخذه ثور.
==============
واحد و ابنه من اكلة لحوم البشر شافوا هيفا وهبي بالغابة الإبن گال لإبوه ناخذها البيت وناكلها ,,گال الاب ناخذها للبيت وناكل أمك
==============
فد يوم تلاثه ديشوفون منو أنذل واحد بيهم الاول دفع مره عجوز ووگعها .....الثاني داس فوگاها ....الثالث گام يضحك گالوله شبيك گال هاي بيبيتي
==============
وحده شافت زوجها يقرأ كتاب (الرجل سيد المنزل)كالتله اشگد اتحب القصص الخيالية
==============
لبناني وعراقي مضيعين نسوانهم اللبناني گال مرتي لابسة جينز قصير وضيق وبدي شفاف ومرتك؟گال العراقي : خلي تولي أمشي ندور على مرتك
==============
واحد حواسم راح يحج بيت الله فاهناك ينادي : لبيك الهم لبيك ، فرهدنا العراق وجئنا إليك
==============
أخرس تزوج خرسه فد يوم كتبتله أريد أروح لأهلي فرد عليها ماتروحين چان تكتبله بخط چبير أريد أروح لأهلي فكتبلها لاتصيحين
==============
عجوزة أربع سنوات ما غاسله دوروا ابشعرها شافوا الگمل ديصلي صلاة الإستسقاء
==============
قزم شارك ابرنامج من سيربح المليون قبل ميصعد على الكرسي طلب مساعده الجمهور
==============
شيخ عجوزي چان ديخطب خطبة الجمعة فلمن گام ديخطب گال للمصلين :لا ادوخوني سامعين قصة النبي نوح عليه السلام? المصلين:اي سامعيها الخطيب:لعد اقم الصلاة. فلمن خلصت الصلاة گلهم يابه سامعين قصة النبي إبراهيم عليه السلام? المصلين: اي سامعيها الخطيب: اي هاهية لعد لتجون الجمعة الجاية
==============
فد يوم اردني لگه مصباح
سحري ففركه چان يطلع له المارد وگله: شبيك لبيك عبدك بين أيديك...الاردني گال:بدي كل العراقيين يطلعوا من بلدنا, فرد عليه المارد: ليش عيوني؟؟ ليش أخويه؟؟ ..إحنه شمسويلكم؟؟
==============
واحد قزم مات ليش؟ اختنگ من ريحة رجليه
==============
بنية گالت لابوها بابا اشتريت فيراري ابوها گال بشرفچ البنية جاوبت لعد بفلوسك
==============
أحول سألوه منو تعجبك من نساء العرب؟؟ گال: حوله بنت الأزور
==============
عراقي واكف على بير زمزم كال اخوان بلا جليكانات لا تخلونا نسويها فردي وزوجي
==============
مصري مطبب راسه بالبطل، گالوله شنو هاي شدتسوي گال: رأبتي سداده
==============
صرصر راح للسينما شاف دعاية بف باف(قاتل الحشرات) گال: أعوذ بالله..
هذا الفلم من بدايته رعب.
==============
سكران راح للمطعم.. گالهم: عدكم عشه؟.. گالوله: نعم.. گال: ليش ماعزمتوني؟
==============
صرصر سأل صاحبه: شلونك هالأيام خو ماكو نعل؟.. گله: لا الحمد لله أبو البيت أحول.
==============
بزون محشش گال: والله نسيت...هيّه ميو لو ليو.
==============
قزم راح يفصل قاط گل
للخياط: شوكت أجي عليك؟ گله أخذلك فره بالسوگـ وتعال.
==============
واحد طلعله بيت بالجنه.. فلّشه وسواه دكاكين.
==============
واحد عجوزي.. أسبوعين واگع بحفره يصيح محد يطلعه.. أخير شي گال: أيست من البشر أطلع بوحدي.
==============
اللاخ هم عجوزي.. گل لمرته: خططي ظهري مربعات بورقميها من الواحد للمية وحكيلي رقم 72
==============
شيخ جامع خله( أنسر مشين ) مال تلفون.. كل اللي يخابر يگول له: الشيخ غير موجود.. أترك رسالة بعد سماعك سورة البقره.
==============
شيخ جامع سكران..مرته حسّت بيه..گالتله:سكران؟ گال:لا..گالت زين أقرالي سورة(البقره) گال:بسم الله......لافاش كيري..لافاش كيري.
==============
أحول إتزوج عله مرته...طلعت هيه نفسها.
==============
ثنين إعجوزيه..واحد اتثاوب ..الثاني گال له: مادام فتحت حلگك متصيحنه على ماي صارلي إسبوع عطشان.
==============
محجبه لابسه گصير.. گالولها: ليش؟ گالت: حتى أرضي الله وعباده.
==============
لبناني يحج بمكه ..عطس گال له السعودي يرحمكم الله فرد عليه اللبناني: حبيب ألبي.
==============
فيترچي اشتره چربايه ...نام جواهه وصاح على مرته: ناوشيني سبانه تلثطعش.
==============
حيّه تبچي ..گالولها :ليش؟؟ گالت خمس سنوات إمخيله عله عربيد وتاليها طلع صونده.
==============
واحد متعاجز حيل..راح للحلاق وگعد على الكرسي منزّل راسه.. گله الحلاق: شعر لو لحيه؟ گال:لا لحيه..گلله:طيب شيل راسك شويه..گال:لعد سويهه شعر.
==============
هايشه وگفت گدام المرايه وگالت:والله حرام كل هذا الجمال وياخذه ثور.
==============
زمال راد يغازل صاحبته گاللهه: شوكت تتزوجيني يازماله؟ گالتله:من تحسّن ألفاظك يا زمال
==============
طلي مغمّض ويصيح. ماع.. ماع.. گالوله ليش تغمض؟ گال حافظهه عالغيب
==============
دجاجة وديچ شافوا محل شاورمه دجاج.. گاللهه الديچ: شوفي!!!... هذا مصير اللي ماتسمع كلام زوجها.
==============
صرصر بالأنعاش شاف صرصر لاخ جايبيه عالسدية گال له: ها أخي .. هم شحاطه؟..گال. لا والله بف باف.
==============
أبو بريص نايم بالمستشفى متكسر ، سألوه سلامات .. خو ماكو شي؟؟ گاللهم: والله كالعادة ..نعال.
==============
واحد راح يبوگـ بيت وحده سمينه حيل ..كمشته وگعدت عليه ... گالت لابنها: يمه محمود خابرلنه الشرطة.. الحرامي من يمه گام يصيح: عفيه بسرعة محموووووووود.
==============
متدين في قمّة الأدب بحيث يدگـ باب الثلاجه قبل لايفتحها
مات المتدين هذا.. فبالجنه حصل بيتين.. گام باع واحد وأجّر واحد، وسكن عد گرايبه بالنار.
==============
قزم عطس ..طخ راسه بالگاع ومات.
==============
قزم راد ينتحر چيّت من الرصيف.
==============
طفل گال لمعلمته: تدرين ست شگد أني أحبچ..وأتمنه أتزوجچ؟ فالمعلمه گالت :أي بس أني ما أحب الجهال.. رد عليها الطفل: مو مشكلة ست .. ما راح نسوي جهال.
==============
واحد دايح ،صلى جماعة بعد ما خلصت الصلاة گالولة ماشالله عليك قرايتك حلوة . گال لعد لو تسمعوني من أشرب شراح تگولون؟
==============
واحد من المنصور تطوع بالعسكرية سأله الضابط: شتسوي إذا قابلت العدو ؟؟ گال أگوللهم: ماأحبكم.
==============
طليان ثنين كاعدين.. الأول گال: ماااااااع.. الثاني گال سبحان الله هسه ردت اگولها
==============
مصري اشتغل بالسعودية راعي غنم .. رجع لمصر
سألوه أهله : كنت بتشتغل إيه .. گال : أفسح المعيز.
==============
واحد احول سألوه إشتتمنى ؟ گال : بنفسي اشوف واحد يمشي بوحده
==============
واحد يصلي بجماعه وچان أكو نسوان همينه يصلن.. المهم گال ولا الضالين ردو اااامين ..گال :أروح فدوة لهالصوت
==============
چلب دايح بالشوارع شاف چلب بوليسي بباب مركز الشرطه..كال أيباه..بالله لو مخليني أهلي أكمل دراسه؟
==============
أم أربعة وأربعين تزوجت أبو أربعة وأربعين... گضوا ليلة الدخلة كلها بس نزع قنادر
==============
واحد راح للدكتور گاله دكتور لما أحط إيدى على عينى ما أشوف شي.. راح الدكتور زرفله ايده.
==============
نجفي دفان خلصت الحرب بعد ماكو جنايز هوايه، گلبه محل فواكه وكتب لافته (الموز حق)
==============
طبيب عيون شايل وردة بإيده ويحاچي حبيبته: شايفة الوردة هذى حياتى؟ گالتله أي حبيبي، گام حولها لايده الثانيه وكلهه: وهسه حياتي؟
==============
طفل لوتي گال له أبوه: ولك ليش المعلم كاتبلك حمار بالدفتر؟ گال: لا بابا هذا توقيعه
==============
ديچ معلگ بالصالة صورة بيضة گالوله: شنو هاي؟ كال: صورتي من چنت طفل
==============
واحد گالوله: احلف راح كتل ابوه ورجع گال: وروح أبويه
==============
أكو فد ولد واهسه بالبلي ستيشن ، فلمّن مات أبوه كتب على گبره Game Over
==============
اثنين يچذبون واحد عاللاخ, الاول گال:دتشوف ذيچ النملة اللي فوگـ الجبل ؟ الثاني گلله: ياهيّه منهن؟ المغمضة لو المفتحة؟
==============
واحد حب يتذكر أيام الطفولة... بال على نفسه.
==============
واحد راح للصين فلمن رجع فتح گهوه سماها:
fin-gan-gahwa
==============
ديچ تحارش بدجاجة، ردت عليه بخشونه، گلها وعلى شنو إمتنگه؟ ذنيچ الدجاجات مصلخات بالمطاعم ومحد بحالهن.
==============
دكتور أخصائي كسور عظام كلما يطلع بالليل تلحگه الچلاب.
==============
واحد گال لخطيبته: إشچانوا يدلعوچـ وانتي زغيرة؟ گالتله: ميمي ... وانته؟ گاللهه: أبو خنـّينه.
==============
واحد متدين بالجديد أتصل على الأم بي سي گالوله: شتحب تسمع؟ گال مقطع من اذان المغرب بصوت مايكل جاكسون
==============
احول دخل بالجيش ... حطوه بقسم القصف العشوائي
==============
واحد راح للطبيب گال له: دكتور عندي حالة نسيان شديد.. گال له الطبيب : ومن إشوكت عندك هذي الحاله؟ .. گال له: ياحاله دكتور؟
==============
صرصر مرته زعلت وراحت يم أهلها.. راح يصالحه گالتله: ما أرجع إلا تسجل البلوعه بإسمي.
==============
عجايز تلاثه رادن يتزوجن.. كتبن إعلان (تزوج واحده.. وأحصل على إثنتين مجانا).
==============
واحد مصادقله مصري.. گال له: تدري الحياة كلها مآسي ؟ المصري گال له: ليه..هوه مآسك كام؟
==============
جرادة انعمت عمى ألوان ...... أكلت الأخظر واليابس.
==============
واحد الله رزقه بعمارة.... إشتغل بيها حارس
==============
وحده رجلهه بالخارج.. خابرته گللتله: إشتريت سياره شبح.. گلهه: إبشرفچ؟؟ گللتله: لا لعد بالورقة مالتك اللي تدزلياهه كل تلث تشهر؟
==============
واحد من سوگـ مريدي... إشتره حليب طلع إكسباير... گام زور التاريخ مالته وشربه
==============
عتوي مضوج بزازين المنطقة.. جابوله بزون شبعه كتل... گله شلون گدرتلي وآني أقوه بزون بالدربونه؟ گله لأن آني چنت أسد بالصومال بس من المجاعه إنگلبت بزون.
==============
وحدة وگعت من الدرج.. إنفصخت رجلها.. انطاهه الطبيب مرهم، گللها حطيه على مكان الوگعه.... راحت حطته عالدرج.
==============
واحد گل للشيخ: آني شفت فلم خلاعي... شلون أستغفر؟؟ گله: كفارتك تتفرج على قناة السودان 3 أشهر
==============
واحد راح يشتري ساعة لگاها
غالية اشتره خمس دقايق
==============
صرصر إنتحاري... فجر نفسه بمعمل الـ(بف باف‎(‎
==============
واحد مطيرچي عيشته عالطيور بس بيتهم يم الجامع...
شاف طير حط على الستارة مال بيتهم ...الله راحلك ركض
عالسطح... من وصل دنگ وگام يمشي على كيفه
الجامع اليمهم صاح أخواني المؤمنين فقد طفل إسمه...
الطير خاف وراد ايطير، سكت الجامع . المطيرچي إدنه شويه
صاح الجامع أخواني يرتدي سراكسود أزرگـ ...
وره شوه إدنه المطيرچي اكثر
صاح الجامع أخواني يبلغ من العمر 10سنوات...
گله دگول كش عاع وفظها
==============
شيخ جامع سكران صعد عالمنبر وخطب‎...من خلص إجاه
صاحبه گله شيخنه إنته گلت معركة بدر صارت بالرمان والقاذفات والحمس ماله والي
وسكتنه...
وگلت معركة أحد صارت بالمدافع والطيارات والحمس ماله والي وسكتنه...
بس مال تكول أميه باع بلال الحبشي لبرشلونة هاي مانسكت عليها
==============
فد يوم واحد ديمشي بالشارع
چان يلگه الفانوس السحري
فركه طلعله العفريت شبيك لبيك من هالخرابيط ،أطلب...
الولد فكر فكر چان يگله أريدك تبنيلي جسر من بغداد للصين ، العفريت گله مو هاي
صعبة ينراد مواد هوايه وطول سنين ... شوفلك غيرها
گله زين أريدك تقضي عالطائفية بين السنة والشيعة
العفريت گله نرجع عالجسر شتريده معلق، طابق طابقين
==============
أكو واحد جاب جهاز يكشف الچذب راد يجربه بإبنه
گله بابه شگد أخذت بالإمتحان إبنه گله 10 من10
چان الجهاز يصوفر
گله ليش بابه اچذب إحچي الحقيقة وكلشي ماسويلك چان إبنه گله أخذت صفر
گله ليش بابه ماتقره صير مثل أبوك چنت آخذ كله عشرات چان الجهاز ينفجر
==============
مرة واحد يمشي شاف المصباح السحري گال اي الحمد لله هو هذا الي راح يأخذني للسويد ففرك المصباح طلع المارد گاله شبيك لبيك طلب گله والله أريد طلب زغيرون گله شنو گاله أريد منك بس فيزا للسويد ضحك المارد وگاله لو عندي چان مابقيت بالمصباح
==============
مرة واحد مفتح محل أسواق ..إجاه طفل زغير گاله عمو عندك علچ گله إي گله إطيني چبس .. إجاه باليوم الثاني گله عمو عندك بيبسي كاله اطيني چكليت .. اجا باليوم الثالث گله عندك حامض حلو اطيني نستلة .. فضاج الرجال گال هذا الطفل شنو يضحك عليه .. راح گال لأبو
يابة ابو فلان هذا شنو ابنك يضحك عليه گله والله انته مدري شلونك ؟ ما عندك صوندة بالمحل . گله عدي گله إضربه بوكس
==============
بمناسبة عيد الحب ...... وحده راحت لأبو مكتبه گالتله : عندك كارت مكتوب عليه إلى حبيبي الوحيد؟.. گلها: إي موجود. كالتله : انطيني 14 واحد
==============
فياله ونمل لعبو طوبة الفياله بطلو ليش؟؟؟؟ لان النمل يلعب خشن
==============
أكو فد يوم طالب بالمدرسة كلما المعلمة تشوفه تگله أثول ..الولد ضاج راح كال لأبو گله بابه المعلمة كلما تشوفني تگلي أثول ..الأب راح للمعلمة گلها ليش تگولين لإبني أثول گلتله هسه تشوف إبنك أثول لو لا چان المعلمة تصيح الطالب گللتله روح شوفني بالإدارة آني موجودة لو لا ..الطالب راح دور و رجع گال ست إنتي ماموجوده بالادارة گللتله زين روح دورني بالساحة راح و رجع هم ما لگه شي.المعلمة گالت ها عرفت ليش أگله أثول..الأب چان يگول ست إحتمال انتي اليوم ماخذه اجازة
==============
مسيحي دخل مسجد وشايل سچين ويصيح: منو بيكم مسلم؟ محد رد عليه إلا واحد شجاع گله: آني مسلم اخذه برة وطلع من المسجد وياه و گاله: عندي خروف أريدك تذبحه و تسلخه على الطريقة الإسلامية گال المسلم: آني أعرف أذبح بس شوف واحد ثاني يسلخه دخل المسيحي المسجد و السچين كلها دم وصاح منو بيكم مسلم؟ چان كلها أشروا على الإمام رد الإمام عليهم: شنو السالفة ؟ علمود صليت بيكم ركعتين صرت مسلم
==============
فد يوم فگر باگـ شيلمانات لحگته الشرطة فبسرعه شمرههن بالشط چان يطوفن
==============
اغبياء راحوا للملك يريدون ايثبتون ذكائهم الملك سأل الأول لو يتحاربون اليهود و المسلمين منو يفوز ؟ گله المسلمين سأل الثاني لو يلعبون الزوراء و الشرطة منو يفوز ؟ گله الزوراء سأل الثالث شستنتجت من كلام اصدقائك ؟ گله يلعبون المسلمين و الزوراء على النهائي
==============
عجوز فاتحة شعرها بالسطح چان يصير برق چان تگول أهو بدو الشباب يصوروني
==============
سوداني راد يضلل سيارته .... لزگـ جهاله عالجام
==============
أسماء بعض الوزراء الإيرانيين وزير الداخلية السيد قامع تظاهراتي
وزير الاتصالات السيد خابرته رأسن جاني
وزير الزراعة السيد زارع أكبر بيتنجاني
وزير العلوم السيد محلل إدراري
وزير الصحة السيد خابط أبراتي وزير التجارة السيد
موزع حصتي
وزير الكهرباء السيد مشغل مولداتي
وزير النفط السيد تارس صوباتي
==============
أكو حجيه طلعتله بخشمه فالوله فرحت حسبالها حب الشباب
==============
أكو واحد تعرض الى حادث انبتر خشمه سوله عملية تجميل اخذوا جلد من رجله راح للطبيب بعد فترة گال دكتور من اعطس نعالي يطير من رجلي
==============
مرة العراق ومصر واليابان قرروا عمل فلم تايتنك مصر گالت إحنه نحضر الممثلين ...اليابان گالت إحنه نصنع السفينة العراق گال إحنه نگطع الكهرباء
==============
ردد ثلاث مرات إفتح يا سمسم أبوابك نحن الأطفال أرسل هذه الرسالة إلى عشرة أشخاص وسترى نعمان في منامك. وإذا قرأتها أكثر سترى ميسون وسيأتيك كعكي يحمل اخبارا سعيدة وقد يحالفك الحظ أكثر وترى گرگور .(هذه الرساله ارسلت الى شخص واهملها فانقطعت عنهم قناة سبيستون وشخص اخر عمل بها فرزق شريط گرندايزر وارسلت الى شخص فاستهزأ بها إنقلب الى زعبور
==============
الماني وهندي وعراقي اشتركوا بمسابقة انطوهم كل واحد قرد گالولهم إللي يخليه يحچي يربح الجائزة
إجوي وره اسبوع -الالماني گال ماگدرت احچيه الهندي گال آني هم ماگدرت احچيه
العراقي گال وكلته وشربته واشتريتله حتى حديقة وماگدرت احچيه چان القرد يصيح چذاب والله چذاب
==============
أكو واحد خلگة ضيگ راح للخياط او بيده اقماش ايريد ايفصله قاط گال للخياط أريدك اسويلي قاط الخياط گله خوش رجع گال للخياط أگلك مو أجي وتگلي بعد اسبوع وجيك وره اسبوع وتگلي بعد خمس تيام و بعدين تگلي بعد يومين
أشو دجيب القماش موصچك صوچي آني أجي يمك
==============
شاب سافر للخارج شاف اعلان حبوب ترجع العمر ليورى گال أدزها لإمي ولأبويه المهم دزها وره فترة رجع لگه أمه راجعه شابه وبديها طفل گلها ها يمه شبسرعه جبتي جاهل گالتله لا يمه هذا مو جاهل هذا أبوك شرب الشيشة كلها
==============
فد يوم عراقي لگه مصباح سحري
فركه وطلعله المارد وگله شبيك لبيك عبدك بين اديك اطلب اتمنه .... العراقي مچان مصدگـ ... گال أريد بيت وسيارة وذهب .... باوع عليه المارد وكله جـــــمـــع واشـــتـريــلــك
==============
سوداني سافر للقمر ليش؟؟ حتى يشتغل شامة!
==============
أكو ولد سأل أبوه گله شنو الفرق بين (المصيبة) (والقضاء والقدر) گله إبني مثلا أمك تغرق باچر هذا قضاء وقدر بس المصيبة إذا طلعت تعرف تسبح
==============
فديوم سعودي راح زيَن يم سوري طلع أگرع ليش كلما يگله السوري شو رأيك ..يجاوب السعودي ماگصرت
==============
أكو وحدة تحب واحد بالاطفاء حرگت بيتها حتى تشوفه طلع الأفندي مجاز
==============
مرة قرد شاف روحه بالمرايه گال اللهم لا شماته
==============
إجتمع واحد ياباني وآخر هندي وآخر عراقي يذكرون مناقب أجدادهم
الياباني : نحن حفرنا 100م فوجدنا أسلاك للهاتف هذا يعني إننا استعملنا الهاتف قبل 100 سنة
الهندي قال : نحن حفرنا 200م فوجدنا اسلاك للهاتف أي نحن قبل 200 سنة استعملنا الهاتف
أما العراقي فقال : نحن حفرنا 300م فلم نجد اسلاك هذا يعني اننا استعملنا المويابل قبل 300 سنة


تـــــوقيع زيد


من لا يرضاني ذهبا بيديه لن ارضاه ترابا تحت قدمي

[center][/center=
الرجوع الى أعلى الصفحة اذهب الى الأسفل

نكاااااااااااااااااااااااااااااات

استعرض الموضوع السابق استعرض الموضوع التالي الرجوع الى أعلى الصفحة
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات البيت العراقي :: •·.·`¯°·.·• (البــــــيت الترفــــــيهي) •·.·°¯`·.·• :: ~][غرفة المرح و النكت][~-
الساعة الآن بتوقيت ستوكهولم
جميع الحقوق محفوظة لمنتديات البيت العراقي Copyright 2008 - 2010 © IRAKHUS.COM
المشاركات والآراء المطروحة تعبر عن وجهة نظر كاتبها ولاتعبر عن وجهة نظر إدارة المنتدى
 
Untitled 2
Google Reader or HomepagegritwireAdd to Spoken to You
Add this site to your ProtopageAdd to netvibesAdd to Google!
Add to My Yahoo! iPing-it Subscribe in Bloglines
gritwireAdd to Spoken to You Add to your phoneSimpify!
Subscribe in myEarthlinkSolosubAdd to Feedage.com Groups Add to Windows Live
Preview on Feedage: untitledSubscribe in NewsGator Online Subscribe in Pakeflakes Subscribe with Bloglines


© phpBB | Ahlamontada.com | منتدى مجاني للدعم و المساعدة | إتصل بنا | التبليغ عن محتوى مخالف | انشئ مدونة